Search

الفنان فوزي بن قمرة يعتدي بالعنف على صحفية بقناة الحوار

191

نشر الصحفي لسعد بن عاشور اليوم الجمعة 29 مارس ,على صفحته الرسمية بالفايسبوك تدوينة حول اعتداء بالعنف المادي و اللفظي من قبل الفنان فوزي بن قمرة على أحد الصحفيات بقناة الحوار مشيرا الى تكتم مسؤولي القناة حول هذه الواقعة.
كما ندد في نفس السياق بهذه الممارسة مطالبا نقابة الصحفيين بالتحرك و اتخاذ الإجراءات اللازمة ضد ما قام به بن قمرة في حق الصحفية.

و في ما يلي نص التدوينة :

“زميلة صحفية في الحوار التونسي يشدها الباندي فوزي بن قمرة يعتدي عليها بعنف شديد بالكفوف والبونية يسبلها أمها ويقلها “نفتقك من بعضك” وبعد يتصل بأمها وبوها كي عرف اللي باش يشكيو وطلب منهم يسامحوه..هذا الكل في وسط دوامة صمت!!
إدارة قناة الحوار بسكوتها على هذا الانتهاك الخطير فهي قانونيا شريك في التستر على جريمة وعار أنو يصير عنف ضد مرا في وسيلة إعلامية المفروض تناهض العنف ضد النساء..لابيان استنكار باللي صار لا اعتذار من الصحفية ولا طرد للباندي..
أصلا عار أنو كلوشار كيما بن قمرة يبقى مادد وجهو غادي، وعار أكثر تقبل أي مرا تطلع معاه في بلاتو..
أنا شخصيا مقهور ملي سمعت قبيلة ومانيش باش نسكت بالكل وأي اتصال وأي تحرك باش نعملو وأكيد النقابة باش تتحرك وحتى الهايكا معنية اللي تفرض على القنوات في كراس شروط بعث القنوات باش يخدمو صحفيين ويوفرولهم ظروف عمل لائقة موش باش يشدوا يفشخوهم.
الزميلة في حالة صدمة كبيرة إلى الآن”.




اترك رد