Search

ثنية الدولة التونسية الحرة

314
هذه “دولة” :
* تسمح لقوات أجنبية بالعمل فوق أراضيها تحت عنوان : “مساعدة القوات المسلّحة التونسيّة في الحرب على الإرهاب وتطوير قدرات الكوادر الأمنية” . * تمكن سفير فرنسا من العمل فوق أراضيها و التجول و النشاط بكل حرية دون أي إعتراض رسمي .
* ينام المجتمع المدني في العسل و يبدع في التظاهرات الترفيهية مثال: جلسة تذوق على شرف المقيم العام الفرنسي/السفير الفرنسي * يغتصب أطفالها لمدة سنوات من قبل شخص (أو أشخاص) و ما تفيقش بالجريمة و ما تطلبش تحقق مع المجرم.
* يقع تجريب لقاحات بشكل مريب على أبنائها و ما نسمعوش بتحقيق و محاسبة. * توافق على معاهدة تجارية غير متكافئة بشكل صارخ مع تركيا و مع جميع الدول .
* تعذب و تهين أبنائها بشكل مقزز و رهيب و وحشي في السجون . * رئيس جمهورية يستقبل و يستضيف شخص مفتش عنه و ملاحق من السلط الأمنية .
=> هذه هي ثنية الذل لتونس و لشعبها،، ثنية التفقير و الفساد و التجاء للقروض و الهبات الأجنبية و بيع الشركات الوطنية … حتى إنو قضية السيادة و الإعتدائات على السيادة صارت قضية ثانوية و ما تثيرش موجة غضب! بل من الممكن انو نلقاولها ثنية لتبريرها على وزن :
// إملائات من المسؤول الكبير تبريرها الحماية
// قاعدة أجنبية تبريرها ضمانات قروض
// إذلال لأكبر موظف في الدولة تبريره سياسة الديبلوماسية الحكيمة
// جلب عشرات المقاتلين للتراب التونسي تبريره المصالحة .. و الكلها أوامر تجي لحكامنا من برا باش تخدم مصالح المسؤولين الكبار !!
إمالا شكون يخدم لمصلحة تونس ؟ ويني مصلحة تونس ؟ هل هي في الأحزاب المتنصلة من مسؤولياتها ؟ و الا الجمعيات إلي تتباع و تتشرى ؟ و الا الخبراء إلي من داخل ماهمشي خبراء و من داخل من داخل جهلاء ؟ و الا النقابات إلي تتبورب على الجميع و تضرب على مصالح ضيقة ؟
=>>> الجهل و التجهيل و الجري على اللقمة الباردة هوما الي باش يهزو البلاد و الشعب للإنقراض و الاستعباد و الإضمحلال و النهاية….. بينما المعرفة و الوعي و الرجولية و التضحية و الإلتزام هوما المطلوبين متوانسة إذا كان يحبوا يبدلوا من ثنيتهم و يبنيو مستقبل جديد شريف بعيد عالوصاية و السيادة الاجنبية!! و ضمان الحرية و الإستقلال و حق تقرير مصيرنا بيدينا.




اترك رد