صفاقس.. ناشطة في المنظمة الوطنية التلمذية تطرد بسبب نشاطها النقابي

633
تونس ريفيو.. للمواطن صورة وصوت وقلم ||

صرحت التلميذة “نور المكور” في تدوينة فايسبوكية لها أنه تم رفتها من المعهد دون إحالتها على مجلس التأديب والعقوبة تتزامن مع إنطلاق تفعيل قرار تعليق الدروس يوم الثلاثاء 17 أفريل وقد أكدت نور المكور أن قرار الإدارة لن يثنيها عن مواصلتها لنشاطها .

وهذا ما جاء في نص التدوينة:

“مع كامل احترامتي لجميع اساتذتي و كل نزيه في ادارة معهد الهادي السوسي .. انا بش نحكي خاطر برسمي #فاض_الكاس .. عندي عامين في معهد الهادي السوسي مجاش نهار تجاوزت فيه حدي مع اي شخص .. من التلميذ للمدير .. و هاذا واجبي مش مزية .. و حتى كي نتكلم على حاجة خاطر منجمش نارا عبد يتظلم قدامي و نبقى نتفرج .. و نتكلم في اطار الاحترام .. و سلوكي نتصور الاعمال تبينو مش بش نقعد انا نحكي عليه .. ليوم نلقى روحي مطردة نهار من الليساي و التهمة سوء السلوك . و ارادت الصدف انو هذا اليوم يكون يوم الثلاثاء 17 افريل بالذات .. و عقوبة مباشرة . دون الاحالة على مجلس و دون توضيح الاسباب .. كأي تلميذة نورمالمون نتقلق من العقوبة هذه .. مدة العقوبة متهمنيش قد الغايات لي وراها .. اما فقط نحب نوضح حاجة .. الممارسات القمعية هذه مهياش بش توقفني على اني نكمل نحكي بصوت التلامذة .. و مهياش بش توقفني اني نكمل نساند الاساتذة .. و مهياش بش تلزني اني ناخو موقع المتفرج و نخاف و نتراجع .. يش نواصل العمل في المنظمة الوطنية التلمذية و باش نواصل الدفاع عن حقي و حق كل تلميذ .. و اذا كان قول كلمة الحق سوء سلوك .. اعتتبروني سيئة السلوك .. المفيد لن احيد عن مبادئي ”
و في تصريح حصري لصحيفة تونس ريفيو قالت التلميذة “نور المكور” أن عقوبة الطرد الذي تعرضت له جاء على خلفية دفاعها عن إحدى زميلاتها و هو ما اعتبرته الإدارة تطاول.
و من جهة أخرى إعتبرت التلميذة نور أن تصرف الإدارة و طردها دون الإحالة على المجلس هي عقوبة مباشرة و تعسفية و هي هرسلة سببها نشاطها النقابي في المنظمة الوطنية التلمذية.
و أكدت أن الهرسلة لن توقف عمل المنظمة وأنهم سيواصلون تنظيم التحركات و مساندة الأساتذة و إيصال صوتهم و صوت المنظمة”




اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *