الحب بقلم أمل العباسي

330
تونس ريفيو.. للمواطن صورة وصوت وقلم ||

اسمو انت الحب يعني اسمك المحفور في قلبي حبك قد كبر البحر وعلو الجبال قد السحاب وقطرات المطر نحبك قد الفراغات الي في وقتي قد رعشة البدن في الشتاء قد ورد الربيع قد حب الخريف لاوراق الأشجار لا لا قد حب الأم لولدها اي انت كبدي وقلبي وحياتي وروحي نحبك ومنجمش ننكر ومنجمش نبعد ومنجمش نستوعب بعدك عليا العمر قصير والا طويل نحب نعيشو معاك وليك الحب هو انت هو اسمك ضحكتك فرحتك حزنك غشك هبالك وجنونك الحب هو انت ليا وانا ليك انت انا وانا انت انت الي نتمناه وكل يوم يقوى حبي ليك أنا عايشة ليك وبيك …توحشتك كلمة مستحيل تحسها وتنجم تحسها كيما نقولها انا توحشتك معناها منجمش نتنفس تخنقت نحب نسمع صوتك نحب نعيط بصوت عالي ونقلك نحبك توحشتك اي توحشتك ونخمم فيك ليل مع نهار توحشت اسمك وخزرتك وحديثك وهبالك توحشتك برشا من كل قلبي نحب نقلك برشا حاجات أما منجم نقلك كان توحشتك خاطر نعرف الي انت ماتوحشتنيش ماتوحشتش مرجي وجنوني وغيرتي عليك ماتوحشتش صحت راسي وصوتي وكلمة نحبك مني ماتوحشتش مساطتي ومنظري ماتوحشتنش كل شيء فيا بالباهي وبالخايب نتمنى تقلي راني نحبك ياسخطة يا هم تقلي نحبك ومزلت نحبك ليا وحدي تقلي توحشتك أكثر ماتتصور تقلي نفيق على صوتك تقلي توحشت عيونك تقلي ماتهونش عليا دموعك تقلي انا معاك ومعادش نبعد عليك راني تعبت مالصبر وقلبي فاض أمنيتي مرة نكونوا يد وحدة رأي واحد وترجع بيناتنا الثقة نحب نكرهك وننساك وفعلا اي كرهتك خاطر مزلت كل ليلة نحلم بيك خاطر كل مانحل عيني تجي صورتك بين عيني نحبك مهما تعمل المشكل موش منك المشكل من قلبي الي حبك انت واختارك وارتاح لك كان ليك انت وفي كل حالاتي نقعد نحبك وقلبي مايدق كان ليك حتى واحنا بعاد تقعد انت في قلبي مهما كان ومهما صار الحب صعيب وخايب أما مااحلاه ومااحلى عذابو انك تحب معناها انك عايش وتحس وعندك قلب والي ميحبش ويكره معناها قلبو قاسي الحب في الأخير هو أحلى حاجة في الدنيا تخلي الإنسان يحب يعيش .

بقلم أمل العباسي




اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *