تونسيتان ترويان مغامرتهما

462
تونس ريفيو.. للمواطن صورة وصوت وقلم ||
صفاء الحملاوي وميساء الصندلي تونسيتان ترويان مغامرتهما التي تمثلت في زيارة عدة مدن من الجنوب التونسي حيث كتبتا على موقع التواصل الاجتماعي فايسبوك :
” أحنا صفاء الحملاوي وميساء الصندلي زوز بنات تونسيات جاتنا فكرة نعملو جولة وحدنا في الجنوب التونسي بالبسكلات ونباتو في الخيمة متاعنا. ونعيشو المغامرة هاذي في بلادنا.
فمة شكون من اصحابنا وعيلاتنا شجعونا باش نعيشو التجربة وفمة شكون حذرنا وقلنا الي مخاطرة باش نمشو أحنا وحدنا للجنوب ونباتو في الخلاء …لكن أحنا قررنا باش نعيشوا التجربة ..
مشينا مع بعضنا لقابس ومن قابس إنطلقت رحلتنا في الجنوب …كل يوم الصباح نفيققوا من خيمتنا نهزوا بسكلاتتنا وننطلقوا في المغامرة ….زرنا برشة بلايص مزيانيين مكناش نعرفوهم في مطماطمة وتمزرس وزراوة و بير سلطان و قصر غيلان و زمور بني خداج و توجان قابس وغيرها…
كنا نتجولوا وحدنا ما شفنا من ناس الجنوب كان رفعة الاخلاق والكرم والترحاب بالضيف ..حوسنا في الخلا المخلي ولا يوم واحد قال لينا كلمة عيب ولا يوم حد قلقنا ..بالعكس كل واحد نعرضوه يفرح بينا ويعرض علينا باش نمشو لدارهم … وفي الاكل ما صرفنا حتى فرنك من جيوبنا اهالي الجنوب الي كنا نقابلوهم بالصدفة كان يستدعونا لديارهم واحشمونا ويعطونا الماكلة العربي ….فمة مرا عطاتنا عشاها …بكل صراحة عدينا 10 أيام من أحلى الأيام…محلاها تونس بلاد الخير ومحلاهم أهل الجنوب ناس الطيبة والكرم.. ”




اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *