“زيد الماء زيد الدڨيڨ” .. وزير الدفاع يحب يزيد في الشهريات!!

404
تونس ريفيو.. للمواطن صورة وصوت وقلم ||

السيد الوزير يحب يعمل سنة حسنة يورط فيها الي جاي من بعدو، خاصة و هو مزالو بعض الأيام ويسلمها للوزير الجديد ..
معالي وزير الدفاع اليوم في تصريح قال يلزم نزيدو في أجور العسكريين باش يولي كيف الأمنيين . و موش بعيد غدوة الاعلان على مساواة في الأجور بين زوز وزارات اخرين و باعد تخرج علينا وحدة من النقابات يحبو على المساواة مع وزارة اخرى، وكيفاش عطيتو هو و ماعطيتنيش انا ! و تولي لعب ذري و اش يفضها ..

 

* مانيش ضد الزيادة للعسكريين اذا يستحقو بالحق اما من غير ماتصير مقارنة مع اي وزارة اخرى ، كل واحد و اختصاصو و كل واحد يقدم في خدمات مختلفة على الآخر يستحق علاها أجر مختلف على الآخر، و موش منطقي المقارنة بين زوز مجالات مخلتفين على بعضهم الي ينجم يخلق حزازيات بين زوز قطاعات و يولي كل طرف يحب يعرف اش خذا الآخر و يقلك اعطيني كيفو .

 

=> من الآخر من المفروض دولة في ازمة اقتصادها و حكومة تحب تعمل تقشف، يلزم يصير تجميد للأجور و ممنوع الزيادة مهما كانت الاسباب و كان لزم تتحذف المنح و الامتيازات على الوظيفة العمومية كاملة حتى تاقف البلاد على ساقيها و من باعد الي يستحق منحة او زيادة ياخذها على قد الخدمة الي يقدم فيها للدولة و الشعب.

 

=> ملاحظة أخرى: قرار الزيادة في الأجور يلزم يولي مشروط بموافقة مجلس الشعب باش ماتوليش لعبة عند كل وزير قبل ما يخرج يبدى يصحح في الزيادات و المنح باش يخدم صورته و يورط فيه الي جاي من بعدو.

 

#بالتونسي بقلم : حسام طوبان



مراسل صحفي لتونس ريفيو بولاية أريانة و مدون و ناشط بالمجتمع المدني


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *